കാത്തിരിപ്പ്

കൂട്ടായി ആ ഒരാൾ കാതമകലെ

കാത്തിരിപ്പുണ്ടെന്ന തോന്നലുണരും..

കാത്തിരിപ്പെല്ലാം വെറുതെയെന്ന്

കാറ്റോതും

കഴിഞ്ഞ കാത്തിരിപ്പെല്ലാം പൊതിഞ്ഞ കണ്ണീർ മഴയായി തഴുകും

ഒറ്റക്കായെന്ന് നീ നിന്നെയോർമ്മിപ്പിക്കും.

പിന്നെയും കാത്തിരിക്കും

കൂട്ടിനാളില്ലെന്നറിഞ്ഞിട്ടും

ഒരു വിളിക്കായി കാതോർക്കും

ഒടുവിൽ മരണമെത്തും

അന്നും മഴ പെയ്യും

നീയറിയും.

കാത്തിരുന്നതത്രയും ഇതിനായിരുന്നെന്ന്.

കണ്ണു നിറയും.

പിന്നെയും നീ ചിരിക്കും

ചിരിച്ചുകൊണ്ട് കണ്ണടക്കും